Wo Kafir Aashna Na-ashna Yun Bhi Hai Aur Yun Bhi

wo kafir aashna na-ashna yun bhi hai aur yun bhi

hamari ibtida ta intiha yun bhi hai aur yun bhi

tajjub kya agar rasm-e-wafa yun bhi hai aur yun bhi

ki husn o ishq ka har masala yun bhi hai aur yun bhi

kahin zarra kahin sahra kahin qatra kahin dariya

mohabbat aur us ka silsila yun bhi hai aur yun bhi

wo mujh se puchhte hain ek maqsad meri hasti ka

bataun kya ki mera muddaa yun bhi hai aur yun bhi

hum un se kya kahen wo jaanen un ki maslahat jaane

hamara haal-e-dil to barmala yun bhi hai aur yun bhi

na pa lena tera aasan na kho dena tera mumkin

musibat mein ye jaan-e-mubtala yun bhi hai aur yun bhi

laga de aag o barq-e-tajalli dekhti kya hai

nigah-e-shauq zalim na-rasa yun bhi hai aur yun bhi

ilahi kis tarah aql o junun ko ek ja kar lun

ki mansha-e-nigah ishwa-za yun bhi hai aur yun bhi

'majazi' se 'jigar' kah do are o aql ke dushman

muqir ho ya koi munkir KHuda yun bhi hai aur yun bhi

(522) Peoples Rate This

Your Thoughts and Comments

Wo Kafir Aashna Na-ashna Yun Bhi Hai Aur Yun Bhi In English By Famous Poet Jigar Moradabadi. Wo Kafir Aashna Na-ashna Yun Bhi Hai Aur Yun Bhi is written by Jigar Moradabadi. Read famous Poem Wo Kafir Aashna Na-ashna Yun Bhi Hai Aur Yun Bhi for youth and Student by Jigar Moradabadi. Free Download Wo Kafir Aashna Na-ashna Yun Bhi Hai Aur Yun Bhi in PDF.