Hairan Hun Dil Ka Haal Chhupaun Kahan Kahan

hairan hun dil ka haal chhupaun kahan kahan

sab jaan gae baat banaun kahan kahan

ek chiz zaKHm-e-dil hai dikhaun kahan kahan

ek baat soz-e-dil hai sunaun kahan kahan

do chaar hon maqam to tirath bhi kar bane

har ja jo tu rahe to main jaun kahan kahan

har shai mein har bashar mein nazar aa raha hai tu

sajde mein apne sar ko jhukaun kahan kahan

sahra sahi nasib mein par kya meri sat

ek musht-e-KHak KHak uDaun kahan kahan

mahfil mein mai-kade mein ki bazm-e-raqib mein

batla ki tujh se aankh churaun kahan kahan

ek dasht-e-la-hisab mein khoya gaya hai dil

'rahbar' ab us ko DhunDne jaun kahan kahan

(491) Peoples Rate This

Your Thoughts and Comments

Hairan Hun Dil Ka Haal Chhupaun Kahan Kahan In English By Famous Poet Jitendra Mohan Sinha Rahbar. Hairan Hun Dil Ka Haal Chhupaun Kahan Kahan is written by Jitendra Mohan Sinha Rahbar. Read famous Poem Hairan Hun Dil Ka Haal Chhupaun Kahan Kahan for youth and Student by Jitendra Mohan Sinha Rahbar. Free Download Hairan Hun Dil Ka Haal Chhupaun Kahan Kahan in PDF.