Haalat Jo Yahi Ai Dil-e-nashad Rahegi
haalat jo yahi ai dil-e-nashad rahegi
basti tere armanon ki aabaad rahegi
is husn-parasti ka yahi hashr hai hona
kul umr meri ishq mein barbaad rahegi
miT jaenge duniya se bhi hum did ke guzre
gar ai but-e-kafir yahi be-dad rahegi
kis ji se bhulaunga tujhe ai ruKH-e-jaanan
ta-roz-e-abad mujh ko teri yaad rahegi
ek umr-e-asiri hi sahi jism mein ai ruh
daim to na ye qaid ki miad rahegi
lab tak nahin aaega tere nam bhi mera
par dil mein lagatar meri yaad rahegi
ek dasht-e-junun se dil-e-wahshi ko nikala
'rahbar' ye teri rahbari yaad rahegi
Jitendra Mohan Sinha Rahbar 
(863) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544