Is Qadar Duba Hua Dil Dard Ki Lazzat Mein Hai

is qadar Duba hua dil dard ki lazzat mein hai

tera aashiq anjuman hi kyun na ho KHalwat mein hai

jazb kar lena tajalli ruh ki aadat mein hai

husn ko mahfuz rakhna ishq ki fitrat mein hai

mahw ho jata hun akasr main ki dushman hun tera

dilkashi kis darja ai duniya teri surat mein hai

uf nikal jati hai KHatre hi ka mauqa kyun na ho

husn se betab ho jaana meri fitrat mein hai

us ka ek adna karishma ruh wo itna ajib

aql istiajab mein hai falsafa hairat mein hai

nur ka taDka hai dhimi ho chali hai chandni

hil raha hai dil mera masruf wo zinat mein hai

(547) Peoples Rate This

Your Thoughts and Comments

Is Qadar Duba Hua Dil Dard Ki Lazzat Mein Hai In English By Famous Poet Josh Malihabadi. Is Qadar Duba Hua Dil Dard Ki Lazzat Mein Hai is written by Josh Malihabadi. Read famous Poem Is Qadar Duba Hua Dil Dard Ki Lazzat Mein Hai for youth and Student by Josh Malihabadi. Free Download Is Qadar Duba Hua Dil Dard Ki Lazzat Mein Hai in PDF.