Udhar Mazhab Idhar Insan Ki Fitrat Ka Taqaza Hai

udhar mazhab idhar insan ki fitrat ka taqaza hai

wo daman-e-mah-e-kanan hai ye dast-e-zuleKHa hai

idhar teri mashiyyat hai udhar hikmat rasulon ki

ilahi aadmi ke bab mein kya hukm hota hai

ye mana donon hi dhoke hain rindi ho ki darweshi

magar ye dekhna hai kaun sa rangin dhoka hai

khilauna to nihayat shoKH o rangin hai tamaddun ka

muarrif main bhi hun lekin khilauna phir khilauna hai

mere aage to ab kuchh din se har aansu mohabbat ka

kanar-e-ab-e-ruknabaad o gulgasht-e-musalla hai

mujhe malum hai jo kuchh tamanna hai rasulon ki

magar kya dar-haqiqat wo KHuda ki bhi tamanna hai

mashiyyat khelna zeba nahin meri basirat se

uTha le in khilaunon ko ye duniya hai wo uqba hai

(700) Peoples Rate This

Your Thoughts and Comments

Udhar Mazhab Idhar Insan Ki Fitrat Ka Taqaza Hai In English By Famous Poet Josh Malihabadi. Udhar Mazhab Idhar Insan Ki Fitrat Ka Taqaza Hai is written by Josh Malihabadi. Read famous Poem Udhar Mazhab Idhar Insan Ki Fitrat Ka Taqaza Hai for youth and Student by Josh Malihabadi. Free Download Udhar Mazhab Idhar Insan Ki Fitrat Ka Taqaza Hai in PDF.