Mai-kasho Jam UTha Lo Ki GhaTaen Aain

mai-kasho jam uTha lo ki ghaTaen aain

ishrabu kahti hui sard hawaen aain

ishq o ulfat ki saza mil gai aaKHir mujh ko

mere aage meri masum KHataen aain

ab tawajjoh to mere haal pe ho jati hai

shukr karta hun ki is but ko jafaen aain

KHanda-zan dagh-e-maasi pe hui jati hai

lo meri sharm-e-gunah ko bhi adaen aain

wahi marne ki tamanna wahi jine ki hawas

na jafaen tumhein aain na wafaen aain

phir wo aamada hue mujh pe barasne ke liye

phir mere sar pe musibat ki ghaTaen aain

is qadar jaur-e-hasinan se raha KHauf-zada

huren aain to main samjha ki balaen aain

koh-e-gham tha mera inam-e-mohabbat shayad

chaar jaanib se uThaalo ki sadaen aain

Dubne wali hai kya kashti-e-ummid ai 'josh'

mauj taDpi lab-e-sahil pe duaen aain

(547) Peoples Rate This

Your Thoughts and Comments

Mai-kasho Jam UTha Lo Ki GhaTaen Aain In English By Famous Poet Josh Malsiani. Mai-kasho Jam UTha Lo Ki GhaTaen Aain is written by Josh Malsiani. Read famous Poem Mai-kasho Jam UTha Lo Ki GhaTaen Aain for youth and Student by Josh Malsiani. Free Download Mai-kasho Jam UTha Lo Ki GhaTaen Aain in PDF.