Raha Pesh-e-nazar Hasrat Ka Bab Awwal Se AaKHir Tak

raha pesh-e-nazar hasrat ka bab awwal se aaKHir tak

paDhi kis ne mohabbat ki kitab awwal se aaKHir tak

ishaara tak na likkha koi us ne rabt-e-baham ka

bahut be-rabt hai KHat ka jawab awwal se aaKHir tak

mayassar KHak hota zindagi mein lutf-e-tanhai

rahe do do farishte ham-rikab awwal se aaKHir tak

KHushi mein bhi mohabbat dushman-e-sabr-o-sakun nikli

raha dil mein wahi ek iztirab awwal se aaKHir tak

ghalat-koshi ki aadat ne asar paida kiya aisa

ghalat nikla gunahon ka hisab awwal se aaKHir tak

mujhe le aai hai umr-e-rawan kin KHarzaron mein

hua hai chaak daman-e-shabab awwal se aaKHir tak

majal-e-guftugu pai to ab kyun mohr-bar-lab hai

suna de o dil-e-ghaflat-maab awwal se aaKHir tak

andhere mein talash-e-dil agar hoti to kya hoti

shab-e-tarik tha daur-e-shabab awwal se aaKHir tak

dahan-e-zaKHm se bhi 'josh' haal-e-dil suna dekha

namak-pashi hi tha un ka jawab awwal se aaKHir tak

(547) Peoples Rate This

Your Thoughts and Comments

Raha Pesh-e-nazar Hasrat Ka Bab Awwal Se AaKHir Tak In English By Famous Poet Josh Malsiani. Raha Pesh-e-nazar Hasrat Ka Bab Awwal Se AaKHir Tak is written by Josh Malsiani. Read famous Poem Raha Pesh-e-nazar Hasrat Ka Bab Awwal Se AaKHir Tak for youth and Student by Josh Malsiani. Free Download Raha Pesh-e-nazar Hasrat Ka Bab Awwal Se AaKHir Tak in PDF.