Gar Koi KaT Le Sar Bhi Tere Diwane Ka
gar koi kaT le sar bhi tere diwane ka
par ye sauda-e-mohabbat hai nahin jaane ka
mast rakh yaad mein us chashm ki ta-roz-e-jaza
munh na dikhla mujhe ya-rab kisi mai-KHane ka
mere dil ko bhi na howe hawas-e-bosa agar
aashna lab se tere lab na ho paimane ka
husn aur ishq ka mazkur na howe jab tak
mujh ko bhata nahin sunna kisi afsane ka
kyun na muztar hun use dekh ke dekho to sahi
shama ke samne kya haal hai parwane ka
hath uThta nahin ai yar jo suljhane se
dil teri zulf se uljha hai magar shane ka
go ki mar jae tere ishq mein 'joshish' lekin
shikwa-e-jaur-o-jafa munh pe nahin lane ka
Joshish Azimabadi 
(877) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544