Hai Aaftab Aur Mere Dil Ka Dagh Ek
hai aaftab aur mere dil ka dagh ek
dekha to bazm-e-ishq mein hai ye charagh ek
wahdat hi se zuhur hai kasrat ka dekh le
hain phul sau tarah ke wa-lekin hai bagh ek
jis din se wo KHayal mein teri kamar ke hai
anqa ka aur dil ka mere hai suragh ek
insaf se baid hai saqi-e-rozgar
auron ko jam saikDon mujh ko ayagh ek
laen kahan se teri si fikr-e-buland hum
'joshish' nahin har ek ka dil aur dimagh ek
Joshish Azimabadi 
(822) Peoples Rate This