Haal Ab Tang Hai Zamane Ka
haal ab tang hai zamane ka
rang be-rang hai zamane ka
nahin kotah us ka dast-e-talab
ye gada nang hai zamane ka
ek dam chain se na koi rahe
yahi aahang hai zamane ka
sarkashon ka raha na nam-o-nishan
zor-e-sar chang hai zamane ka
ai jafa-kar dahr mein tujh bin
kaun ham-sang hai zamane ka
jhuT main ne kaha tere hathon
qafiya tang hai zamane ka
chal nikal jald yan se ai 'joshish'
Dhang be-Dhang hai zamane ka
Joshish Azimabadi 
(706) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544