Mar Rahte Hain Dar Par Tere Do-chaar Hamesha

mar rahte hain dar par tere do-chaar hamesha

hai jaur-o-jafa tujh ko saza-war hamesha

aashiq tera marne ko hai tayyar hamesha

dikhla na mizha KHanjar-e-KHun-KHar hamesha

ek chheD nikale hai nai yar hamesha

rahta hai mere dar-pae-azar hamesha

allah salamat rakhe tere lab-e-shirin

sunwaya kare baaten mazedar hamesha

hai Dar se tere aalam-e-baala tah-o-baala

laTke hai teri arsh pe talwar hamesha

jun halqa-e-dar dar pe tere subh se ta-subh

rahta hai tera talib-e-didar hamesha

izhaar karun jis se main ahwal ko apne

ahwal-e-tabah us ka rahe yar hamesha

(805) Peoples Rate This

Your Thoughts and Comments

Mar Rahte Hain Dar Par Tere Do-chaar Hamesha In English By Famous Poet Joshish Azimabadi. Mar Rahte Hain Dar Par Tere Do-chaar Hamesha is written by Joshish Azimabadi. Read famous Poem Mar Rahte Hain Dar Par Tere Do-chaar Hamesha for youth and Student by Joshish Azimabadi. Free Download Mar Rahte Hain Dar Par Tere Do-chaar Hamesha in PDF.