Pareshan Ai Zulf-e-bahar-dam Na Ho

pareshan ai zulf-e-bahar-dam na ho

sinan-e-mizha ki tu parcham na ho

tabibo yahi aarzu hai mujhe

sar-e-dagh par pa-e-marham na ho

mara haal darham na ho is qadar

jo zulf-e-siyah us ki barham na ho

jafa-kar ho teri daulat ziyaad

mera aah-o-nala kabhi kam na ho

jalun shama-san garmi-e-ishq se

dam-e-sard mera jo be-dam na ho

wahi dam dam-e-aKHiri ho mera

teri yaad mein sarf jo dam na ho

safa-parwaran shola-ru mil chuka

kabhi aag aur pani baham na ho

labon par tere dant to hai magar

Darun hun kahin ye shakar sam na ho

sada ru-ba-ru hai wo KHurshid-ru

kabhi KHushk ye dida-e-nam na ho

na sajda kare koi mehrab ko

sar us ka tawazo se gar KHam na ho

gham us ka jo ho KHana-pardaz-e-dil

to 'joshish' kasi chiz ka gham na ho

(449) Peoples Rate This

Your Thoughts and Comments

Pareshan Ai Zulf-e-bahar-dam Na Ho In English By Famous Poet Joshish Azimabadi. Pareshan Ai Zulf-e-bahar-dam Na Ho is written by Joshish Azimabadi. Read famous Poem Pareshan Ai Zulf-e-bahar-dam Na Ho for youth and Student by Joshish Azimabadi. Free Download Pareshan Ai Zulf-e-bahar-dam Na Ho in PDF.