ShaiKH Ko Kabe Se Jo Maqsud Hai

shaiKH ko kabe se jo maqsud hai

wo kunisht-e-dil hi mein maujud hai

mere jalne ki kisi ko kya KHabar

sozish-e-dil aatish-e-be-dud hai

ne haram se kaam hai ne dair se

KHana-e-dil hi mera masjud hai

farq mat kar aashiq o mashuq mein

KHud ayaz aur aap hi mahmud hai

kya pari kya hur kya jinn-o-bashar

sab mein wo shayad mera mashhud hai

mashrab-e-ushshaq mein ai zahido

us ka jo maKHluq hai mabud hai

sang o aahan ko ye karti hai gudaz

aah hai ye naghma-e-daud hai

kis se ai 'joshish' kahun main dard-e-dil

mere us ke bolna mafqud hai

(495) Peoples Rate This

Your Thoughts and Comments

ShaiKH Ko Kabe Se Jo Maqsud Hai In English By Famous Poet Joshish Azimabadi. ShaiKH Ko Kabe Se Jo Maqsud Hai is written by Joshish Azimabadi. Read famous Poem ShaiKH Ko Kabe Se Jo Maqsud Hai for youth and Student by Joshish Azimabadi. Free Download ShaiKH Ko Kabe Se Jo Maqsud Hai in PDF.