Us Sharam-gin Ke Munh Pe Na Har Dam Nigah Rakh

us sharam-gin ke munh pe na har dam nigah rakh

sar-rishta-e-nigah ko apne nigah rakh

kis lutf se hai aaina dekh us ke ru-ba-ru

gardun na dil mein aarzu-e-mahr-o-mah rakh

diwane chahta hai agar wasl-e-yar ho

tera baDa raqib hai dil is se rah rakh

dildar ho tu ya ki dil-azar tera shauq

dil de chuka main KHwah na rakh is ko KHwah rakh

dawa-e-qatl kar tujhe manzur hai jo dil

daman o tegh-e-yar hi ko tu gawah rakh

main chahta hun tujh ko tu chahe hai ghair ko

ye kya ghazab hai chahne wale ki chah rakh

'joshish' juda hai yar se tu jaanta hun main

itna bhi iztirab KHuda par nigah rakh

(832) Peoples Rate This

Your Thoughts and Comments

Us Sharam-gin Ke Munh Pe Na Har Dam Nigah Rakh In English By Famous Poet Joshish Azimabadi. Us Sharam-gin Ke Munh Pe Na Har Dam Nigah Rakh is written by Joshish Azimabadi. Read famous Poem Us Sharam-gin Ke Munh Pe Na Har Dam Nigah Rakh for youth and Student by Joshish Azimabadi. Free Download Us Sharam-gin Ke Munh Pe Na Har Dam Nigah Rakh in PDF.