Waise Tum Achchhi LaDki Ho
waise tum achchhi laDki ho
lekin meri kya lagti ho
main apne dil ki kahta hun
tum apne dil ki sunti ho
jhilon jaisi aankhon wali
tum behad gahri lagti ho
mauj-e-badan mein rang hain itne
lagta hai rangon se banti ho
phul hue hain aise raushan
jaise in mein tum hansti ho
jangal hain aur bagh hain mujh mein
tum in se milti-julti ho
yun to bashar-zadi ho lekin
KHushbu jaisi kyun lagti ho
aksar sochta rahta hun main
KHalwat mein tum kya karti ho
wo qarya aabaad hamesha
jis qarye mein tum rahti ho
Kaami Shah 
(4776) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544