Kabhi Firaq Kabhi Lazzat-e-visal Mein Rakh

kabhi firaq kabhi lazzat-e-visal mein rakh

mujh e'tidal se aari ko e'tidal mein rakh

nacha raha hai mujhe ungliyon pe ishq tera

tamam umr isi raqs-e-be-misal mein rakh

dukhi ho dil to utarti hai shairi mujh par

tujhe ghazal ki qasam hai mujhe malal mein rakh

tu chahta hai agar kar-e-afatab karun

mera uruj meri saat-e-zawal mein rakh

tere baghair guzari hai zindagi main ne

tu is sitam ki talafi bhi mah-o-sal mein rakh

tu dil hai aur dhDakna teri ibaadat hai

so KHud ko jism se bahar bhi tu dhamal mein rakh

shikam se ho ke guzarte hain qaul-o-feal mere

mujh aise shaKHs ko nan-o-namak ke jal mein rakh

mere badan ko bhale is se aag lag jae

charagh-e-harf magar mere baal baal mein rakh

main is azab ke nashshe mein mubtala hun 'kabir'

parai aag uTha kar meri sifal mein rakh

(1256) Peoples Rate This

Your Thoughts and Comments

Kabhi Firaq Kabhi Lazzat-e-visal Mein Rakh In English By Famous Poet Kabeer Athar. Kabhi Firaq Kabhi Lazzat-e-visal Mein Rakh is written by Kabeer Athar. Read famous Poem Kabhi Firaq Kabhi Lazzat-e-visal Mein Rakh for youth and Student by Kabeer Athar. Free Download Kabhi Firaq Kabhi Lazzat-e-visal Mein Rakh in PDF.