Siyahi Dhal Ke Palkon Par Bhi Aae
siyahi Dhal ke palkon par bhi aae
koi lamha dhanak ban kar bhi aae
gulabi siDhiyon se chand utre
KHiram-e-naz ka manzar bhi aae
lahu rishton ka ab jamne laga hai
koi sailab mere ghar bhi aae
main apni fikr ka koh-e-nida hun
koi hatim mere andar bhi aae
main apne aap ka qatil hun 'ajmal'
mera aaseb ab bahar bhi aae
Kabir Ajmal 
(655) Peoples Rate This