Tera Chehra Kitna Suhana Lagta Hai
tera chehra kitna suhana lagta hai
tere aage chand purana lagta hai
tirchhe tirchhe tir nazar ke lagte hain
sidha sidha dil pe nishana lagta hai
aag ka kya hai pal do pal mein lagti hai
bujhte bujhte ek zamana lagta hai
panw na bandha panchhi ka par bandha
aaj ka bachcha kitna siyana lagta hai
sach to ye hai phul ka dil bhi chhalni hai
hansta chehra ek bahana lagta hai
sunne wale ghanTon sunte rahte hain
mera fasana sab ka fasana lagta hai
'kaif' bata kya teri ghazal mein jadu hai
bachcha bachcha tera diwana lagta hai
Kaif Bhopali 
(1268) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544