KHud Hi Uchhaalun Patthar KHud Hi Sar Par Le Lun
KHud hi uchhaalun patthar KHud hi sar par le lun
jab chahun sune mausam se manzar le lun
aaine se mera qatil mujh ko pukare
lao main bhi apne hathon patthar le lun
jin raston ne jaan o dil par zaKHm sajae
un raston se pujne wale patthar le lun
main shankar se zahr ka pyala chhin ke pi lun
lahje ke is karb mein sare manzar le lun
mujh se kahe to apne dil ki baat wo zalim
us ke dil ka bojh main apne sar par le lun
kuchh le de kar baat bana lun apni 'kaifi'
kuchh duniya ko hans kar dun kuchh ro kar le lun
Kaifi Wajdani 
(642) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544