Jab Sar-e-sham Koi Yaad Machal Jati Hai
jab sar-e-sham koi yaad machal jati hai
dil ke virane mein ek shama si jal jati hai
jab bhi aata hai kabhi tark-e-tamanna ka KHayal
le ke ek mauj kahin dur nikal jati hai
ye hai mai-KHana yahan waqt ka ehsas na kar
gardish-e-waqt yahan jam mein Dhal jati hai
KHwahish-e-zist gham-e-marg gham-e-sud-o-ziyan
zindagi chand khilaunon se bahal jati hai
jab wo hanste hue aate hain KHayalon mein 'kalim'
sham-e-gham subh-e-masarrat mein badal jati hai
Kaleem Usmani 
(1721) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544