Gul-o-saman Ki Tarah Dil Mein Hans Rahe Hain Hum
gul-o-saman ki tarah dil mein hans rahe hain hum
ye aur baat ba-zahir bujhe bujhe hain hum
koi bhi wahima gumrah kar nahin sakta
tere KHayal ki zanjir mein bandhe hain hum
kabhi to uljha kiye kaise kaise logon se
kabhi to aise hua KHud se laD paDe hain hum
nigar-KHane mein taswir-e-KHasta-tar ki tarah
kisi ke samne kab se saje hue hain hum
kiye hain auron pe tanqid-o-tabsare lekin
KHud apna jaeza ab tak na le sake hain hum
hamesha aap ko samjha ki aap apne hain
hamesha aap ne samjha ki dusre hain hum
'kamal' hum se KHushamad kisi ki ho na saki
is e'tibar se mashhur sar-phire hain hum
Kamal Jafari 
(877) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544