Phir Chhalakta Hai Jam Wahshat Ka
phir chhalakta hai jam wahshat ka
shah-e-KHuban salam wahshat ka
ek chashm-e-ghazal karti hai
chaar-su ehtimam wahshat ka
wo giran-gosh ho hama-tan-gosh
to sunaun kalam wahshat ka
chaak hai ab tera gareban bhi
dekh le intiqam wahshat ka
mauj-e-hairat safar mein rakhti hai
DhunDhta hun qayam wahshat ka
aaj to baghban ne gulshan mein
ek bichhaya hai dam wahshat ka
ek taraf mauja-e-sukun hai 'nadim'
ek jaanib KHiram wahshat ka
Kamran Nadeem 
(656) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544