Is Daur Mein Sab Apna Chalan Bhul Gae Hain
is daur mein sab apna chalan bhul gae hain
had ye hai ki fankar bhi fan bhul gae hain
sayyaad sunaen tujhe kyunkar wahi naghme
hum lahja-e-arbab-e-chaman bhul gae hain
hai apni jagah aaj bhi har rasm-e-zamana
lekin hamin aain-e-watan bhul gae hain
manzil ke nishan mar ke bhi wo pa na sakenge
jo log rah-e-dar-o-rasan bhul gae hain
afsos mila hai unhen kab izn-e-rihai
jab ahl-e-qafas rah-e-chaman bhul gae hain
kis tarah shikayat karen be-tabi-e-dil ki
kya hum tere mathe ki shikan bhul gae hain
pursan nahin ghurbat mein mera koi bhi 'kashfi'
shayad mujhe yaran-e-watan bhul gae hain
Kashfi Lucknavi 
(727) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544