Bane Hain Kaam Sab Uljhan Se Mere
bane hain kaam sab uljhan se mere
yahi atwar hain bachpan se mere
hawa bhi puchhne aati nahin ab
wo KHushbu kya gai aangan se mere
zamin hamwar ho kar rah gai hai
uDi hai dhul wo daman se mere
suno is dasht ka ham-zad hun main
ye waqif hai akele-pan se mere
hawa-e-be-dili bhi KHub nikli
KHalish tak le uDi jiwan se mere
Kashif Husain Ghair 
(774) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544