Ek Din Dukh Ki Shiddat Kam PaD Jati Hai

ek din dukh ki shiddat kam paD jati hai

kaisi bhi ho wahshat kam paD jati hai

sahra mein aa nikle to malum hua

tanhai ko wusat kam paD jati hai

apne aap se milta hun main fursat mein

aur phir mujh ko fursat kam paD jati hai

kuchh aisi bhi dil ki baaten hoti hain

jin baaton ko KHalwat kam paD jati hai

ek din yun hota hai KHush rahte rahte

KHush rahne ki aadat kam paD jati hai

zinda rahne ka nashsha hi aisa hai

kitni bhi ho muddat kam paD jati hai

kashif-'ghaer' dil ka qarz chukane mein

duniya bhar ki daulat kam paD jati hai

(666) Peoples Rate This

Your Thoughts and Comments

Ek Din Dukh Ki Shiddat Kam PaD Jati Hai In English By Famous Poet Kashif Husain Ghair. Ek Din Dukh Ki Shiddat Kam PaD Jati Hai is written by Kashif Husain Ghair. Read famous Poem Ek Din Dukh Ki Shiddat Kam PaD Jati Hai for youth and Student by Kashif Husain Ghair. Free Download Ek Din Dukh Ki Shiddat Kam PaD Jati Hai in PDF.