Ghubar-e-dasht-e-yaksani Se Nikla
ghubar-e-dasht-e-yaksani se nikla
ye rasta meri be-dhyani se nikla
na hum wahshat mein apne ghar se nikle
na sahra apni virani se nikla
na nikla kaam koi zabt-e-gham se
na ashkon ki farawani se nikla
na aankhen hi huin gharqab-e-dariya
na koi aks hi pani se nikla
udhar nikli wo KHushbu shahr-e-gul se
idhar main bagh-e-virani se nikla
hua gharqab shahr-e-jaan to ye dil
ye dariya apni tughyani se nikla
jo nikla sham-e-dasht-e-karbala se
sitara KHanda-peshani se nikla
Kashif Husain Ghair 
(997) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544