Imarat Ka Koi Nashsha Nahin Tha

imarat ka koi nashsha nahin tha

ana ke ghar se jab nikla nahin tha

mujhe to yaad hi aata nahin hai

koi lamha ki jab taDpa nahin tha

main sab ke waste achchha tha lekin

usi ke waste achchha nahin tha

magar tashbih us ko kis se dete

abhi to chand bhi nikla nahin tha

ajab ayyam-e-shauq-e-did guzre

kabhi raaton ko main sota nahin tha

hamare KHwab mein sae kai the

kisi ke dosh par chehra nahin tha

khuli jo aankh to dekha ye main ne

abhi to hashr hi barpa nahin tha

(340) Peoples Rate This

Your Thoughts and Comments

Imarat Ka Koi Nashsha Nahin Tha In English By Famous Poet Kausar Mazhari . Imarat Ka Koi Nashsha Nahin Tha is written by Kausar Mazhari . Read famous Poem Imarat Ka Koi Nashsha Nahin Tha for youth and Student by Kausar Mazhari . Free Download Imarat Ka Koi Nashsha Nahin Tha in PDF.