Kaun Si Duniya Mein Hun Kis Ki Nigahbani Mein Hun
kaun si duniya mein hun kis ki nigahbani mein hun
zindagi hai saKHt mushkil phir bhi aasani mein hun
chand hai pani mein ya bhule hue chehre ka aks
sahil-e-dariya pe dekho main bhi hairani mein hun
qatra-e-shabnam ke bhi ehsan yaad aane lage
honT sukhe ja rahe hain jab se main pani mein hun
bhuli-bisri yaad ek aai hai mere dil ke pas
main bhi goya aaj kal is dil ki darbani mein hun
ai KHizan kuchh der ko ye fasl-e-gul jine to de
aaj-kal masruf main bhi chaak-damani mein hun
Kausar Mazhari 
(722) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544