Bulandiyon Se Utar Kar Kabhi Pukar Mujhe
bulandiyon se utar kar kabhi pukar mujhe
azal se tere karam ka hai intizar mujhe
tere jamal-e-shafaq-rang ka zuhur hun main
mila hai teri tamazat se ye waqar mujhe
tawil umr se fikr-o-nazar ki qaid mein hun
nigah-e-waqt ki suli se ab utar mujhe
teri wafa ka bharam meri zat se mansub
muKHalifon ki safon mein na kar shumar mujhe
haqiqaton ko samajh maslahat-shanas na ban
fasil-e-jabr se KHud bhi nikal ubhaar mujhe
teri talab ki kaDi dhup mein bhi hun lekin
ata ho abr-e-karam peD saya-dar mujhe
main tirgi ko amanat teri samajhta hun
tu raushni hai to koi kiran utar mujhe
Kavish Bat 
(882) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544