Charagh-e-shauq Jala Kar Kahan Se Jaana Tha
charagh-e-shauq jala kar kahan se jaana tha
hamein to ho ke saf-e-dushmanan se jaana tha
ye dil ye shahr-e-wafa kab use pasand aaya
wo be-qarar tha us ko yahan se jaana tha
nazar mein rakkha nahin ek bhi sitara tera
ki KHak-zad the hum aasman se jaana tha
kisi bahane sahi zindagi ka qarz utra
hamein to waise bhi ek roz jaan se jaana tha
nadi mein rah ke chaTanon se darguzar karna
ye hum ne fitrat-e-mauj-e-rawan se jaana tha
Khaavar Ejaz 
(817) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544