Mujhe Is KHwab Ne Ek Arse Tak Be-tab Rakkha Hai
mujhe is KHwab ne ek arse tak be-tab rakkha hai
ek unchi chhat hai aur chhat par koi mahtab rakkha hai
kisi ke waste taza kinaron ko ubhaara aur
mujhe sadiyon purane shauq mein gharqab rakkha hai
jazire aur sahil sab zamane ke liye rakkhe
mera sara ilaqa us ne zer-e-ab rakkha hai
sutun-e-shauq par ek raushni si paD rahi hai jo
charagh-e-arzu koi tah-e-mehrab rakkha hai
kisi ko to jahan bhar mein farawan kar diya us ne
mujhe kuchh soch kar is dahr mein nayab rakkha hai
Khaavar Ejaz 
(827) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544