Charagh Duniya Ke Sare Bujha Ke Chalta Hun
charagh duniya ke sare bujha ke chalta hun
andheri raat mein ek dil jala ke chalta hun
dikhai deta hai darwaza-e-fana mujh ko
main sab hijab nazar se uTha ke chalta hun
dikhai dete hain sare KHazane dharti ke
main sare sang rahon ke haTa ke chalta hun
alam mein sar mera koi uThaega kyun-kar
main KHwan-e-azm mein sar ko saja ke chalta hun
mujhe pahunchna hai bas apne-ap ki had tak
main apni zat ko manzil bana ke chalta hun
Khaleel Mamoon 
(330) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544