Lafz Ki Kaenat Mein Gum Hun
lafz ki kaenat mein gum hun
fikr mein gum hun baat mein gum hun
tum ho khoe hue zamane mein
main KHud apni hi zat mein gum hun
kya ajab tha jo maut aa jati
gham to ye hai hayat mein gum hun
fath ke jashn mein hain sab sarshaar
main to apni hi mat mein gum hun
tum ne jin mushkilon mein chhoDa tha
main unhin mushkilat mein gum hun
zahr khana mujhe nahin aata
qand mein aur nabaat mein gum hun
koi aae na dekhne mujh ko
main ajab kaenat mein gum hun
main hun 'mamun' ek ajab insan
kaenat aur zat mein gum hun
Khaleel Mamoon 
(377) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544