NaKHuda Bhi Nahin KHuda Bhi Nahin
naKHuda bhi nahin KHuda bhi nahin
koi mera tere siwa bhi nahin
muddaa ghair muddaa bhi nahin
aur hasrat ka puchhna bhi nahin
kahish-e-gham harif-e-jaan hi sahi
gham na ho to yahan maza bhi nahin
shisha-e-dil to chor hai lekin
aasra hai ki TuTta bhi nahin
husn ka aks hai hijab-e-nazar
phir junun ko to sujhta bhi nahin
bazm se un ki uTh gaya KHud main
koi pursan-e-haal tha bhi nahin
ishq mein paD ke luT gaya 'raazi'
un ko gham hai ki kuchh hua bhi nahin
Khaleel Raazi 
(490) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544