Jo Apna Gham Hai Use Aaina Dikhaun Main
jo apna gham hai use aaina dikhaun main
bas ek qatre mein dariya sameT laun main
teri nigah to KHush-manzari pe rahti hai
teri pasand ke manzar kahan se laun main
jo dil ki hasrat-e-tamir hai so itni hai
ki ho sake to kisi dil mein ghar banaun main
main jaanta hun andheron ki zindagi kya hai
bujhe charagh to dil ka diya jalaun main
jo zaKHm deta hai to be-asar hi deta hai
KHalish wo de ki jise bhul bhi na paun main
Khaleel Tanveer 
(384) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544