Chikan-fried Halal Rakhna

tumhaari dawat qubul mujh ko magar tum itna KHayal rakhna

beer kisi bhi brand ki ho chikan-fried halal rakhna

bhari hui rail mein chaDho to tum apni hurmat sambhaal rakhna

nae zamanon ka hai taqaza parae honTon pe gal rakhna

idhar hai patthar udhar hai laThi zara ye Topi sambhaal rakhna

main apne sar ka KHayal rakhkhun tum apne sar ka KHayal rakhna

pachas ko wo cross kar ke kuchh aur KHun-KHwar ho gai hai

agar use aunty kaho to nigah mein haspatal rakhna