Saba Ki KHak-nawardi Subu Ki Virani
saba ki KHak-nawardi subu ki virani
tumhaare baad hui aarzu ki virani
tere baghair mere hausle zawal-pazir
tere baghair meri justuju ki virani
shumar-e-umr-e-gurezan hisab-e-taat-o-zohd
wazu ki KHana-puri thi lahu ki virani
har ek dasht purana sarab-e-jaan ki tarah
har ek shahr naya aabru ki virani
tumhaare sath se mere suKHan ki shirini
tumhaare baad meri guftugu ki virani
tamam raat sarab-e-safar ka dhaDka tha
tamam raat thi ek ha-o-hu ki virani
Khalid Karrar 
(421) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544