Ek Diya Aisa Bujha Hai Mujh Mein
ek diya aisa bujha hai mujh mein
nauhagar! ab ke hawa hai mujh mein
aks-dar-aks bikharna hai mujhe
jaane kya TuT gaya hai mujh mein
na koi KHwab, na aansu na KHayal
kya ajab qaht paDa hai mujh mein
chashm hairan hai, sar-e-aina
runuma kaun hua hai mujh mein
dil sulagne ka sabab hijr, na wasl
masala is se siwa hai mujh mein
munkashif! aaj talak ho na saka
main KHala hun ki KHala hai mujh mein
Khalid Moin 
(350) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544