Jo Karwan Mein Hai Shamil Na Rahguzar Mein Hai
jo karwan mein hai shamil na rahguzar mein hai
wo shaKHs meri tamannaon ke dayar mein hai
sahar-shanas andhere ki shab-gazida sahar
na wo nigah mein apni na ye shumar mein hai
ye kya KHalish hai ki lau de rahi hai jazbon ko
na jaane kaun sa shoala mere sharar mein hai
basi hai sukhe gulabon ki baat sanson mein
koi KHayal kisi yaad ke hisar mein hai
rachi hui hai fazaon mein kis ke KHun ki bu
ye kaisa jashn-e-bahaaran mere dayar mein hai
na jaane kaun se jhonke se jal-bujhun 'uzma'
mera wajud hawaon ke kar-zar mein hai
Khalida Uzma 
(429) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544