Main Der Se Dhup Mein KhaDa Hun
main der se dhup mein khaDa hun
saya saya pukarta hun
sona hun kured kar to dekho
miTTi mein daba hua paDa hun
le mujh ko sambhaal gardish-e-waqt
TuTa hua tera aaina hun
yun rabt to hai nashat se bhi
dar-asal main gham se aashna hun
sohbat mein gulon ki main bhi rah kar
kanTon ki zaban samajh gaya hun
dushman ho koi ki dost mera
har ek ke haq mein main dua hun
kyun aab-e-hayat ko main tarsun
main zahr-e-hayat pi chuka hun
taqdir-e-junun pe chup raha main
tabir-e-junun pe ro raha hun
har ahd ke log mujh se na-KHush
har ahd mein KHwab dekhta hun
Khalilur Rahman Azmi 
(533) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544