Nashat-e-zindagi Mein Dub Kar Aansu Nikalte Hain
nashat-e-zindagi mein Dub kar aansu nikalte hain
suna hai ab tere gham ke nae pahlu nikalte hain
mohabbat ka chaman hai aao sair-e-sarsari kar len
yahan se le ke sab TuTe hue bazu nikalte hain
junun le ke chala hai pa-ba-jaulan us ke kuche se
liye aaghosh mein hum nikhat-e-gesu nikalte hain
teri basti mein diwanon ko ruswai hi ras aai
ye apna chaak daman le ke ab har su nikalte hain
wahi aariz wahi kakul wahi kafir-ada aankhen
magar har lamha phir bhi kuchh nae jadu nikalte hain
Khalilur Rahman Azmi 
(340) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544