Wo GhaDi Wo Rut Gai Wo Din Gae Mausam Gae
wo ghaDi wo rut gai wo din gae mausam gae
sath ek jaan-e-wafa ke kitne hi aalam gae
wo gae to aur phir koi na un sa mil saka
wadi wadi hum phire purab gae pachchham gae
aas TuTi dil ki ya koi naya wada hua
ai shab-e-gham kya hua kyun mere aansu tham gae
ek hum jo tujh se chhuT kar bhi tere dar ke rahe
ek wo jo bazm mein rah kar bhi na-mahram gae
aaj se KHush rah ke bhi dekhenge tere gham-nasib
teri marzi hai to le aahen gain matam gae
Khalilur Rahman Azmi 
(433) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544