Ye Alag Baat Ki Har Samt Se Patthar Aaya
ye alag baat ki har samt se patthar aaya
sar-bulandi ka bhi ilzam mere sar aaya
zindagi chhoD ne aai mujhe darwaze tak
raat ke pichhle pahar main jo kabhi ghar aaya
bas dua hai ki ilahi ye koi KHwab na ho
koi saya mere sae ke barabar aaya
barha socha ki ai kash na aankhen hotin
barha samne aankhon ke wo manzar aaya
kya kahen ab to ye aadat nahin jati hum se
jhuT bhi bole to sach ban ke zaban par aaya
main nahin haq mein zamane ko bura kahne ke
ab ke main kha ke zamane ki jo Thokar aaya
surKHi-e-mai bhi Thaharti nahin har chehre par
bul-hawas bhi usi mai-KHane se ho kar aaya
Khalilur Rahman Azmi 
(492) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544