Thaharna Bhul Gai Hain Lahu Se Tar Aankhen
Thaharna bhul gai hain lahu se tar aankhen
bhaTakti rahti hain din raat dar-ba-dar aankhen
wajud mera kahin kho na jae bin tere
rahengi yun hi tere sath umr bhar aankhen
tum apni aankhon ko nazzara-e-jahan baKHsho
meri to ghumti rahti hain ret par aankhen
tilism-KHana-e-hairat hai ek putli mein
dikhati hain mujhe kya kya ye muKHtasar aankhen
tumhaare wade pe aisa yaqin hai dil ko
kabhi hain dar pe kabhi waqf-e-rahguzar aankhen
teri nazar ke taaqub mein hai nazar meri
teri nazar hai jidhar hain meri udhar aankhen
ye KHadd-o-KHal ye gesu ye surat-e-zeba
sabhi ka husn hai apni jagah magar aankhen
Khan Rizwan 
(395) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544