Bahar-surat Hain Hum Shirini-e-guftar Ke Sadqe
bahar-surat hain hum shirini-e-guftar ke sadqe
tere iqrar ke sadqe tere inkar ke sadqe
KHusha zauq-e-talab is hasrat-e-didar ke sadqe
hue hain baam-o-dar ke rauzan o diwar ke sadqe
nawazish ho nawaze gar nigah-e-lutf se us ko
tera bimar teri nargis-e-bimar ke sadqe
qadam le kar kaleje se lagate hain kabhi us ko
kabhi hote hain hum chashm o lab o ruKHsar ke sadqe
jahan-e-arzu mein husn ka bhi nam ho jae
maza aa jae wo gul bhi agar ho 'KHar' ke sadqe
Khar Dehlavi 
(533) Peoples Rate This