Fariyaad Bhi Hai Su-e-adab Apne Shahr Mein
fariyaad bhi hai su-e-adab apne shahr mein
hum phir rahe hain mohr-ba-lab apne shahr mein
ab kya dayar-e-ghair mein DhunDen hum aashna
apne to ghair ho gae sab apne shahr mein
ab imtiyaz-e-dushmani-o-dosti kise
haalat ho gae hain ajab apne shahr mein
jo phul aaya sabz qadam ho ke rah gaya
kab fasl-e-gul hai fasl-e-tarab apne shahr mein
jo randa-e-zamana the ab shahryar hain
kis ko KHayal-e-nam-o-nasab apne shahr mein
ek aap hain ki sara zamana hai aap ka
ek hum ki ajnabi hue ab apne shahr mein
'KHatir' ab ahl-e-dil bhi bane hain zamana-saz
kis se karen wafa ki talab apne shahr mein
Khatir Ghaznavi 
(394) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544