Hai Qatl-gah-e-sauq Mein KHanjar Hama-tan-chashm
hai qatl-gah-e-sauq mein KHanjar hama-tan-chashm
manzar hama-tan-gul gul-e-manzar hama-tan-chashm
hai kaun jo aashufta-mizaji ki rakhe laj
us ku-e-malamat ke hain patthar hama-tan-chashm
kab aaega insaf ka din dawar-e-mahshar
ek umr se main hun sar-e-mahshar hama-tan-chashm
ye subh to wo subh nahin jis ki talab mein
tare sar-e-mizhgan rahe shab bhar hama-tan-chashm
ai jaan-e-ghazal tu hai kahan tere liye hai
'KHawar' hama-tan-dil dil-e-'KHawar' hama-tan-chashm
Khawar Rizvi 
(400) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544