Hansne Wale Ab Ek Kaam Karen
hansne wale ab ek kaam karen
jashn-e-girya ka ehtimam karen
hum bhi kar len jo raushni ghar mein
phir andhere kahan qayam karen
mujh ko mahrumi-e-nazzara qubul
aap jalwe na apne aam karen
ek guzarish hai hazrat-e-naseh
aap ab aur koi kaam karen
aa chalen us ke dar pe ab ai dil
zindagi ka safar tamam karen
hath uThta nahin hai dil se 'KHumar'
hum unhen kis tarah salam karen
Khumar Barabankavi 
(445) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544