Wo Hamein Jis Qadar Aazmate Rahe

wo hamein jis qadar aazmate rahe

apni hi mushkilon ko baDhate rahe

wo akele mein bhi jo lajate rahe

ho na ho un ko hum yaad aate rahe

yaad karne pe bhi dost aae na yaad

doston ke karam yaad aate rahe

aankhen sukhi hui naddiyan ban gain

aur tufan ba-dastur aate rahe

pyar se un ka inkar bar-haq magar

lab ye kyun der tak thartharaate rahe

thin kamanen to hathon mein aghyar ke

tir apnon ki jaanib se aate rahe

kar liya sab ne hum se kinara magar

ek naseh gharib aate jate rahe

mai-kade se nikal kar janab-e-'KHumar'

kaba o dair mein KHak uDate rahe