Ai Mere Dil Tujhe Pata Hai Kya
ai mere dil tujhe pata hai kya
wo tere gham se aashna hai kya
mujh mein matam ka shor kaisa hai
mere andar koi mera hai kya
sab se hans ke gale jo milta hai
shahr mein wo naya naya hai kya
zindagi dho ke rose pita hun
aur pine ko kuchh bacha hai kya
qissa-e-dil raqam karun kaise
ishq hai koi saneha hai kya
phal koi hath kyun nahin aata
qad mein mujh se shajar baDa hai kya
tujh mein uljha hua main rahta hun
tu bata mera masala hai kya
kyun mujhe DhunDhti hai purwai
mere zaKHmon se wasta hai kya
mujh ko jhuTa bata raha hai jo
mere andar ka aaina hai kya
kaun deta hai dastaken itni
gum-shuda koi hadisa hai kya
kaise KHurshid us ko badloge
zindagi koi qafiya hai kya
Khursheed Ahmad Malik 
(423) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544